Re: [問卦] 報廢汽車,會流淚是正常嗎

我是對二冬前開始信原始/早期佛教的
讀阿含經

因為彼當陣我飼十幾年的老狗往生矣
我足愛伊
非常痛苦
就接觸著阿含經

若這陣我已經知影當初時艱苦的原因矣
因為貪愛

是按怎我會遮愛伊？
因為伊足乖嘛足巧
簡單講：伊的表現完全順我的意

若共世間的代誌簡單分做兩類
1.順我意的-產生貪愛
2.無順我意的-產生瞋恨

伊就是1
等於順我意十幾年
所以我逐工佮伊耍
愈來愈愛

落尾果然親像佛祖講的
愛的本質是苦
所以伊往生以後
我的貪愛無法度閣滿足矣
就艱苦矣
有偌愛就有偌艱苦

後來我共想
若伊在生的時攏無順我意
磕袂著就共我咬
共我吠
我敢閣會遮毋甘？

攏是仝一隻狗
因為順我意 我愛
無順我意 我討厭
證明自頭到尾就是我家己咧愛佮恨的

客觀來講
伊已經相當人的八十幾歲矣
閣著癌
本來就差不多矣

往生對伊來講顛倒是解脫
後世人有機會免閣做狗矣
今世老病的痛苦嘛結束矣
我應該為伊歡喜才著

結論：
自頭到尾
當初時對伊的愛佮毋甘
其實攏是家己想的
參考看覓

-------------

我是從二年前開始信原始/早期佛教的
讀阿含經

因為那時我養十幾年的老狗往生了
我很愛牠
非常痛苦
就接觸了阿含經

現在的話我已經知道當初痛苦的原因了
因為貪愛

為什麼我會這麼愛牠？
因為牠很乖也很聰明
簡單講：牠的表現完全順我的意

如果把世上的事簡單分成兩類
1.順我意的-產生貪愛
2.不順我意的-產生瞋恨

牠就是1
等於順我意十幾年
所以我每天跟牠玩
越來越愛

最後果然真的像佛祖說的
愛的本質是苦
所以牠往生以後
我的貪愛無法再滿足了
就痛苦了
有多愛就有多痛苦

後來我思考
如果牠在世的時候都不順我意
動不動就咬我
對我吠
我還會這麼捨不得嗎？

都是同一隻狗
因為順我意 我愛
不順我意 我討厭
證明從頭到尾就是我自己在愛跟恨的

客觀來說
牠已經相當人的八十幾歲了
還得癌
本來就差不多了

往生對牠來說反而是解脫
下輩子有機會不用再當狗了
這輩子老病的痛苦也結束了
我應該為牠高興才對

結論：
從頭到尾
當初對牠的愛與不捨
其實都是自己想的
參考看看

--

兔兔大半夜好 (^ ▽^ )