Re: [新聞] 逾千人上凱道靜坐 籲政府訂「純素國策」

按呢真好啊
任何人攏會當表達意見

我家己是信原始/早期佛教的
就是人講的南傳、上座部、小乘佛教

所以在家人無禁止食肉
出家人嘛會當食三淨肉
我家己有食肉

是講看原原po文章下面
一寡鄉民咧質疑植物嘛是性命
我感覺真趣味

因為這篇新聞看起來
是對氣候、醫學、動保幾个方面來主張食菜
顛倒無看著宗教反對殺生因素
所以部分鄉民其實是人講東你應西
誤會矣 (^ ▽^ )

新聞的討論就到遮為止

另外
若講著宗教
尤其是佛教的部分
就親像我上頭前講的按呢

若漢傳佛教就我所知的
出家人連三淨肉嘛無食

所以我有特別去了解三淨肉：
無親目睭看著、聽著人講
嘛無懷疑是為著我(台刂)的
就是三淨肉
出家人會當食

所以我就了解矣
漢傳真有可能是著的

因為世尊彼个年代的比丘
是逐工攏愛去共人分
人予你啥就食啥
袂使揀袂使去要求欲食啥

所以世尊無可能規定比丘袂當食肉
這做袂到
才會規定三淨肉予比丘免為這項代誌煩惱

而且對禁止殺生的戒律佮三淨肉規定來看
就知影世尊其實是無愛佛弟子食肉的
所以漢傳佛教發展到食菜
其實顛倒閣較有可能是世尊真正的意思

當然
修行主要是修心
食菜會當培養慈悲心
對修行當然有幫助

毋過若干焦食菜
心定袂落來
變做有彼个外表爾
按呢就佮原本修行的目標有精差矣

其實佛經有記錄
比丘隨身愛紮漉水囊
因為驚啉水啉著細微生物

而且有的閣特別規定
「不應以天眼觀，亦不得使闇眼人看，下至能見掌中細文者，得使看水」
意思是袂使叫有天眼通抑是目睭無好的人來判斷水會當啉無

因為有天眼通的比丘看了傷清楚
啥物水攏有微生物袂啉矣
目睭無好的人顛倒反
真明顯袂當啉的水伊嘛講會當啉
兩項攏會共簡單的啉水創甲傷複雜矣 (^ ▽^ )

-------------

這樣很好啊
任何人都可以表達意見

我自己是信原始/早期佛教的
就是人家說的南傳、上座部、小乘佛教

所以在家人沒有禁止吃肉
出家人也可以吃三淨肉
我自己有吃肉

是說看原原po文章下面
一些鄉民在質疑植物也是生命
我覺得很有趣

因為這篇新聞看起來
是從氣候、醫學、動保幾個方面來主張吃素
反而沒看到宗教反對殺生因素
所以部分鄉民其實是答非所問
誤會了 (^ ▽^ )

新聞的討論就到這為止

另外
談到宗教的話
尤其是佛教的部分
就像我最前面講的那樣

漢傳佛教的話就我所知道的
出家人連三淨肉也不吃

所以我有特別去了解三淨肉：
沒親眼看到、聽到人說
也不懷疑是為了我殺的
就是三淨肉
出家人可以吃

所以我就了解了
漢傳很有可能是對的

因為世尊那個年代的比丘
是每天都要去跟人乞食
人家給你什麼就吃什麼
不能挑不能去要求吃什麼

所以世尊不可能規定比丘不能吃肉
這做不到
才會規定三淨肉讓比丘不用為這件事情煩惱

而且從禁止殺生的戒律跟三淨肉規定來看
就知道世尊其實是不希望佛弟子吃肉的
所以漢傳佛教發展到吃素
其實反而更有可能是世尊真正的意思

當然
修行主要是修心
吃素可以培養慈悲心
對修行當然有幫助

不過如果只吃素
心定不下來
變成有那個外表而已
這樣就跟原本修行的目標有別了

其實佛經有記錄
比丘隨身要帶濾水囊
因為怕喝水喝到細微生物

而且有的還特別規定
「不應以天眼觀，亦不得使闇眼人看，下至能見掌中細文者，得使看水」
意思是不能叫有天眼通或是視力不好的人來判斷水能不能喝

因為有天眼通的比丘看得太清楚
什麼水都有微生物沒辦法喝了
視力不好的人相反
很明顯不能喝的水他也說可以喝
兩種都會把簡單的喝水搞得太複雜了 (^ ▽^ )

--